Градоначалникот на Центар, Андреј Жерновски, доби сноуборд за полесно да стигне дома, кога ќе поминува низ Карпош. Со ваков подарок го испрати екипата по неговото гостување во студиото на „Фчерашни новости“. Градоначалникот одговараше на прашањата на граѓаните и беше дел од одличната епизода број 9 на најгледаната хумористична емисија.
Во неа прикажана беше топ 5 листата на најуспешните фрлања по крстот за Водици, а репортерите известуваа од терен за контра-протестот на симпатизерите на Сорос.
Во МВР беше пријавен за исчезнат и еден македонски политичар, кој од декември го нема ни за жив.
Јубилејната 10-та епизода веќе се крчка, а дотогаш посетете ги официјалните страници на емисијата на „Јутјуб“ и на „Инстаграм“ и погледнете го нецензурираното јавување на репортерот Ланче на „Фејсбук“.